Facebook se paiye jobs ki jankari.( फेसबुक से पाइए नौकरी )

Dosto, pahle social media dost banane aur unse chating karne tak hi simit tha, par ab hamari zindagi ka koi bhi hissa isse achhuta nahi hai. Kyunki ab ye naukri dhudhne me bhi aapki madad kar raha hai. Iske liye aapko jarurat hai facebook par kuchh groups join karne ki. In groups se judkar aap na sirf apne dost bana sakte hai balki isse aapko naukri aur usse judi anek jankari milti rahegi aur is tarah aap apna network badhakar apne carrier ko ak nayi disha de sakte hai. Facebook par aise kai achchhe groups maujud hai jo alag-alag topics par bane hai. Mai yahan aapko kuchh aise hi groups ki jankari de raha hu.

✹ Apne chori ho chuke ya khoye huwe phone ka khud kaise pata lagaye.

✹ Baniye smart whatsapp user in 5 tariko se.

1. Free online event marketing :- Aaj ka daur marketing aur promotion ka hai. Aise me public relation me apna career banane walo ke liye aur event marketing se judne wale youths ke liye Free online event marketing group ak achchha option hai. Yahan par log ak-dusre se apne kaam ka anubhav share karte hai aur saath hi yadi kisi ko fresher ya employee ki jarurat hoti hai to is group par post kar dete hai.

2. Government exam materials :- Is group se na sirf sarkari naukri ki jankari milti hai balki sarkar ki aur se karwai jane wali exams ke baare me bhi pata chalta hai. Saath hi group ke dusre members ke saath baat karke exam se related tips aur expert advice bhi milti hai. Is group me exam pass karne wale student apni taiyariyan aur tips share karte rahte hai jo dusro ke kaam aate hai.

3. Media movements:- Agar aapko media se judi kisi bhi baat ki jankari chahiye ya phir aap kisi akhbar (newspaper) ya website me free-lancing aur fresher ke roop me kaam karna chahte hai to Media Movements behtar option ho sakta hai. Is group se hajaro log jude hai. Isme yuva apni sabhi tarah ki jankari aur e-mail id share karte hai. Is group se judne ka yah bhi fayda hai ki isse aap media me kaam kar rahe logon ke sampark me aate hai aur aapka network badhta hai.

✹ Apne smartphone se lijiye bhoot (Ghost) ki photo.

✹ Hackers kaise hack karte hai kisi ka facebook account.

4. Government Jobs Alert :- Is group se judne ke baad sarkari naukari se judi nayi vacancy ke baare me alert milte hai. Saath hi us naukri ke baare me aapko is group me bina kisi pareshani ke saari detail bhi mil jati hai. Is group ke jariye aap anya logon se baat karke anya naukriyo ke bare me bhi jaan sakte hai.

Is post ko apne friends ke saath share kare.