Hello
dosto,web hacker tips me aapka swagat hai. Friends sabse pahle mai aapko apne
baare me batata hu,phir mai aapko apni website aur ise banane ke uddeshya ke
baare me bataoonga. Dosto mera naam Ranvir Ray hai aur mai dhanbad,jharkhand ka
rahne wala hu. Computer se mera pahla parichay 2006 me huaa tha jab mere friend
ne apna computer liya tha. Usi se maine computer ki basicks sikhi. Iske alawa
computer ko chhedte-chhedte bhi bahut kuchh sikha. Computer course bhi kiye. Us
waqt hamlogo ne internet ka bahut naam suna tha aur jinki e-mail id hoti thi wo
bade garv se batate the ki unki e-mail id hai. Phir zamana aaya facebook aur
whatsapp ka. Maine bhi apna facebook id
banakar socha ki maine bahut kuchh sikh liya hai,jaisa ki aaj adhiktar log jo
facebook aur whatsapp chalate hai aur khud ko sabke samne tismarkhan sabit karne
ki koshish karte hai aur jinki facebook ya whatsapp id nahi hai unhe pichhda
huaa samajhte hai. Mai bhi internet ko e-mail,facebook aur whatsapp tak hi
simit samajhta tha. Phir ak din maine news paper me padha ki internet to wastav
me gyan aur suchnaao ka bhandar hai aur isi suchna aur gyan ka upyog karke
kaise ak 13 saal ke bachche ne website banana sikh liya aur 15 saal ki umar me
usne khud ki company bana li. Uske baad to mujhe internet ki aisi aadat lagi ki
mai 8-10 ghante internet pe bitane laga. Kai baar to maine lagatar 12 ghante
internet pe bitaya hai. Us waqt maine ak baat notice kiya ki internet pe jitni
bhi suchnaaye ya information hai wo sabhi english me hai. Hindi website na ke
barabar hai. Us waqt maine socha tha ki ek din mai bhi apni website banaoonga wo bhi hindi me aur aaj mai aapke samne apni
website lekar hajir hu. Halanki aaj internet par bahut saari hindi website hai
aur mujhse bhi kai diggaj is field me hai. Halanki maine apni website par kuchh alag aur aapke
liye kaafi upyogi jaankari dene ki koshish ki hai un chijo ke baare me jo aapke
daily life ka hissa hai.
Friends,aap
soch rahe honge ki mai hindi website ki baat kar raha hu par maine to ise
english me likha hai! To friends iska bhi ak reason hai. India me hi kuchh aise
state hai jahan ke log hindi bolte-samajhte to hai par lkha huaa padh nahi
paate. Iske alawa hamare padosi desh jaise pakistan,nepal aur bangladesh me bhi
hindi boli jaati hai par wo likha huaa padh nahi sakte. Isliye maine apni hindi
website ko english me likha hai. Friends,hindi ko english me likhne ke is
chalan ko internet ki bhasha me Hinglish
kahaa jaata hai.
Ab baat
karte hai ki meri website alag kaise hai? Friends meri website me alag-alag
section hai jaise ‘facebook tips’,’whatsapp tips’ aur internet tricks. Facebook
tips ki baat karen to is section me aapko aise tips milenge jinke baare me 90%
user ko pata hi nahi hota hai. Yahi baat whatsapp par bhi laagu hoti hai.
Internet tricks section me aapko kuchh aisi jaankari milegi jo aapko hairaan
kar denge. Iske alawa samay-samay par mai aapko kuchh cool hacking tricks ki
jaankari deta rahunga.Friends, agar aapko ye jaankari achchhi lage to ise apne
facebook,twitter account par share jarur kare. Dosto,aap ise subscribe bhi kar
sakte hai. Agar aap subscribe karte hai to jaise hi mai koi nayi post ya
article likhunga to aapko uski update email duwara mil jayegi. Subscribe karne
ke liye right side me diye gaye Follow by Email ke option me apni email
id daalkar submit kar de. So dear friends, badalti duniya ke saath update rahne
ke liye webhackertips.com par visit karte rahe.
Thank You
Thank You
No comments:
Post a Comment