Free me blog ya website kaise banaye

Hello dosto, webhackertips.com me aapka swagat hai. Friends, Blogging aur website designing par ye meri pahli post hai. Bahut saare log blog ya website banane ko rocket science se kam nahi samajhte. To mai un dosto ko kahna chahta hu ki blog ya website banana bahut hi aasan hai, bus aapko computer aur internet ki basic knowledge honi chahiye. Aap ak din me blog ya website banana sikh sakte hai, wo bhi free me. Iske liye aapko 1 paise bhi kharch nahi karne padenge. Is post me mai aapko batane ja raha hu ki kaise aap agle 15 minute me apni blog ya website bana sakte hai. To chaliye shuru karte hai.

Friends, blog ya website banana sikhne se pahle aapke liye 3 chije jaanna jaruri hai- 

1. Blog aur website me kya fark hai ?
2. Apni blog ya website kin - kin topics par banayi ja sakti hai ?
3. Blog ya website banane ke kya fayde hai ?

To chaliye pahle sawal par sabse pahle aate hai.

Blog aur website me kya fark hai ?

Friends, website ko ak baar banane ke baad baar-baar update karne ki jarurat nahi padti ya bahut dino ke baad jarurat padne par hi usme kuchh update kiya jata hai. Kahne ka matlab ye hai ki agar aapko har roj ya har 2 ya 3 din ke baad koi nayi information dalne ki jarurat nahi hai to uske liye website banayi jaati hai, jisme ak baar me hi daal di gayi information se hi kaam chal jaaye.

Blog bhi ak tarah ki diarynuma website hoti hai. Jis tarah aap har roj diary me alag - alag pages me aap likhte hai, usi tarah agar aap roj ya har 2 ya 3 din baad nayi – nayi information dalna chahte hai to uske liye blog banayi jaati hai.

Apni blog ya website kin – kin topics par banayi ja sakti hai ?

Friends, aap niche diye gaye topics me se kisi bhi topics par apni blog bana sakte hai. 
Inme se job hi topic aapko achchhi lagti ho aur jispar aap achchhi – khasi jankari rakhte ho, usi topic par apna blog ya website shuru kare.

Blog ya website banana ke kya fayde hai ?

Friends, ye sabse aham sawal hai ki aakhir blog ya website kyun banaya jay ya blog banana ke kya fayde hai ? To dosto apni blog ke jariye aap apne vichar duniya ke saath share kar sakte hai. Agar aapko likhne ka shauk hai to aap use apne blog ke jariye publish kar sakte hai aur apni creative thinking logon tak pahuncha sakte hai. Blog ya website se aapki aka lag pehchan banti hai aapki popularity badhti hai aur sabse aham chij – aap apne blog par google adsense ke advertisement lagakar achchhe – khase paise bhi kama sakte hai. Dosto, blog ya website se paise kamane ke baare me kaha jata hai ki – ‘’Earn when you sleep’’. Yaani apne blog se aap tab bhi kama rahe hote ho jab aap so rahe hote ho. Aaj lakho logo ne blogging ko full time career bana liya hai aur aaj wo har mahine hajaro – lakho kama rahe hai. To agar aap bhi blogging ko lekar serious hai to is post ko dhyan se padhe jisme mai aaj aapko blog banana sikhaunga. Saath hi mere is blog me hamesha visit karte rahe aur blogging se related dusre post bhi jarur padhe taaki aap blogging se related har pahlu se update rahe. To chaliye sikhte hai ki blog ya website kaise banaye.

Blog ya website free me kaise banaye ?

Friends, free me blog banana ke 2 popular platform hai – 

1.  Blogger
2. Wordpress

Friends, isme se blogger google ki service hai jo aapko free me blog banana ke saath free hosting ki bhi suvidha deti hai. Blogger unke liye hai jo blogging ke baare me kuchh bhi nahi jante, wo yahaan aasani se apni blog bana sakte hai. Isme utne jyada features nahi hai aur na hi utne jyada designs hai fir bhi aap iske jariye aasani se ak achchhi – si, simple, well looking blog bana sakte hai.

Wordpress – Friends, lagbhag 90% blogger wordpress par hi apni blog banate hai. Isme thode – se paise kharch karne padte hai par fir bhi bloggers ke liye ye sabse pasandida platform hai kyuni isme bahut saare features hai, isme aapko kai saare plug-in bhi install karne ko mil jayenge jisse aap isse ak affiliate website ka roop de sakte hai, jisse aap isse login – sign up ki facility bhi add kar sakte ho, aur – to – aur aapko isme apne blog ke liye hajaro design mil jayenge jisse aapka blog akdum professionally dynamic website ki tarah dikhega jo internet users ko apni taraf aakarshit karne ke liye jaruri hai. Saath hi yahaan aapko apni pasand ki .com, .in domain bhi mil jayegi.

banaye’’ jarur padhe. Agar aap Wordpress par blog banana chahte hai to ye post – ‘’Wordpress par blog ya website kaise

To aaiye sikhte hai ki blogger par free me 15 minute me blog kaise banaye ?

Dosto, blogger par free me apna blog banana ke liye aapko gmail id ki jarurat padegi. Usme aapka google plus account bhi bana hona chahiye. Sabse pahle aap google par jaakar Blogger.com search kare. Aap is link – ‘’Blogger.com’’ par click karke bhi blogger par ja sakte hai. Google search ke result me aapko niche di gayi screenshot ki tarah blogger ka web address milega jispar aapko click karna hai.

Web address par click karte hi aapke samne niche di gayi screenshot ki tarah blogger ka homepage khul jayega jisme aapko ‘’Create your blog’’ par click karna hai.

‘’Create your blog’’ par click karte hi aapke samne apne gmail id se login karne ka option aayega. Yahaan aapko apne gmail id aur password se login karna hai. Niche screenshot dekhe.

Ab aapke samne niche diye gaye screenshot ki tarah ak page khulega jisme ‘’Title’’ me aapko apne blog ka naam likhna hai. For example, agar aap apne blog ka naam ‘’My first web’’ rakhna chahte hai to wahaa My first web likhe. Dusra option hai ‘’Address’’ ka. Yahaa aapko apne blog ka web address likhna hai. Is web address ko google me search karke hi koi aapki website tak pahuchega. Web address me apne blog ka title enter karke dekhe ki wo web address available hai ya nahi. Agar wo web address available nahi hai to wahaa aapko bataya jayega ki ye web address available nahi hai. Niche screenshot dekhe.

Agar wo web address available nahi hai to aap us web address me kuchh add karke dubara try kare. Agar wo web address available hai to apne blog ka title bhi apne blog ke web address ke anusar rakhe. Aapke blog ka title aur web address same rahega to aapke blog ke visiter confuse nahi honge. Niche screenshot me aap dekh sakte hai ki jab blog ke naam wala web address nahi mila to ‘’myfirstweb’’ ki jagah ‘’mytwebs’’ kar diya gaya. To ab is blog ka web address ho gaya – mytwebs.blogspot.com. Ab aapko apne blog ka design select karna hai. Meri salah hai ki aap ‘’Simple’’ ko select kare aur fir ‘’Create blog’’ par click kar de. Jaisa ki niche screenshot me dikhaya gaya hai.

To dosto, ab aapki blog ya website ban gayi hai. Ab aapko apne blog me ak post likhni hai jis topic par aap likhna chahte hai. Iske liye niche screenshot me diye gaye instruction ko follow kare. Post likhne ke liye ‘’New post’’ par click kare.

Click karte hi niche diye gaye screenshot ki tarah aapka post page khul jayega. Isme ‘’Post’’ ke box me aapko apne topic ka title likhna hai. For example, mujhe paytm password ko reset karne ke baare me likhna hai to maine post title me likha – ‘’Paytm password kaise reset kare’’. Post title is tarah likhe ki ise padhkar hi visiter ko pata chal jaaye ki ye post kis baare me hai. Post title likhne ke baad niche apni post likhe aur fir ‘’Publish’’ par click kar de. Niche screenshot dekhe.

Screenshot -1

Screenshot - 2

Screenshot - 3

Ab aapki blog online ho gayi hai jise koi bhi kahin se bhi dekh sakta hai. ‘’Publish’’ par click karne ke baad aapke samne aapke blog ki post list khul jayegi, jahaa apni post ko aap chahe to fir se edit bhi kar sakte hai. Ab aapki blog kaisi dikhti hai, ye dekhne ke liye ‘’view blog’’ par click kare jaisa ki niche screenshot me dikhaya gaya hai.

‘’View blog’’ par click karte hi dusre tab me aapka blog khul jayega jaisa niche screenshot me dikhaya gaya hai.

To dosto, is post me maine sirf itna hi bataya hai ki aap apni website ya blog free me aasani se kaise bana sakte hai, par isme abhi bhi bahut kuchh karna hai. Aapko apne blog ko attractive banana hoga, blog page create karna hoga aur bhi bahut saari chije edit karni hongi taaki aapka blog ak professional website ki tarah dikhe. Iske liye aap meri niche di gayi post jarur padhe aur is post ko share jarur kare.

🔺 Label kya hai aur blog post me label kaise lagaye ?

🔺 Blog me search description kaise add kare ?