Paytm password bhool jaaye to naya password kaise banaye.

Hello dosto, welcome to webhackertips.com. Friends, aaj ki meri ye post Paytm se sambandhit problem ke baare me hai. Aaj waqt digitalization ka hai.Kal tak jo kaam hum manually karte the, aaj wahi kaam hum ghar baithe online karne lage hai. Chahe wo shopping karna ho ya electric bill bharna, movie ticket kharidna, apna mobile recharge karna,ya kisi ko paise bhejna. Jab se smartphone aaya hai digital len-den me bhi teji aayi hai aur jab se Paytm aaya hai tab se isne digital len-den ke field me kranti la di hai. Kyunki Paytm se aap kaafi saare kaam ghar baithe kar sakte ho aur ise istemaal karna bhi kaafi aasan hai. Yun to Paytm app par apne mobile number aur password se account banana ke baad aapko baar-baar login karne ki jarurat nahi padti jab tak ki aap log out na kare. Lekin jab kabhi aap Paytm se log out karte hai ya kisi wajah se aap ko kisi dusre ke mobile se Paytm me login karne ki jarurat padti hai ya fir aap apna Paytm app update karte hai to aapko dobara password daalkar login karna padta hai aur us waqt agar aapko apne Paytm ka paasword yaad nahi rahe to aapko kaafi pareshani uthaani padti hai ya padegi. Kyunki mere kaafi saare dost is tarah ki problem lekar mere paas aate hai aur isiliye is problem ke solution ke liye mai aaj ye post likh raha hu. To chaliye jaante hai ki apna Paytm password bhul jaane par use reset kaise kare aur naya password kaise banaye.

📌 Kisi bhi wi-fi ka secret password kaise jaane. 

📌 Youtube ke video bina kisi software ke kaise download kare.

 
Dosto, apna Paytm password reset karne ke liye apne Paytm app ke login option par jaaye aur wahaan apna registered mobile number, jis number se aapne apna Paytm account banaya tha, wo enter karke ‘’Forgot Password’’ ke option par tap kare, jaisa ki niche image me dikhaya gaya hai.

Friends, jaise hi hum ‘’Forgot Password’’ ke option par click karte hai to ak pop-up open hota hai jisme kaha jaata hai ki ‘’Paytm ki taraf se password reset karne ke liye kabhi bhi call nahi kiya jata hai. Agar aapko kabhi Paytm password reset karne ke liye koi call aati hai to wo fake calls hoti hai aur unhe kisi bhi tarah ki jaankari na de. Agar aapko kabhi kisi number se aisi call aayi hai to kripya wo number yahaa enter kare’’. Kuchh log wo message thik se padhte nahi hai aur us jagah pe apna hi number enter kar dete hai. To dosto aap is baat ka khayal rakhe aur us jagah pe fake call waale ka number de ya fir use ‘’Skip’’ ya ‘’Cancel’’ kar de. Ho sakta hai ki ye pop-up na aaye aur sidhe niche diye gaye image ki tarah pop-up aaye jisme aapko kaha jayega ki ‘’Humne password reset karne ke liye ak sms aur email kiya hai’’. Us pop-up me aapko ‘’Ok’’ par tap karna hai, jaisa ki niche image me dikhaya gaya hai.

📌 Bina app ya software ke mobile me folder kaise chhupaye.

‘’Ok’’ ke option par tap karne par aapke saamne niche diye gaye image ki tarah interface aayega jisme aapko ‘’Proceed’’ par tap karna hai.

‘’Proceed’’ par tap karne ke baad ab aapko apne mobile ke message box me jana hai jahaa aapko paytm ki taraf se bheja gaya message milega jisme ak reset password link hoga. Aapko us link pe tap karna hai, jaisa ki niche image me dikhaya gaya hai.

Jaise hi aap password reset link par tap karte hai to aapke mobile ke browser me Paytm ki website khul jaati hai jahaa aapko apna password reset karne ka option milega, jaisa ki niche image me dikhaya gaya hai. Jahaa ‘’New password’’ me aapko ak naya Paytm password enter karna hai. Phir ‘’Confirm password’’ me aapko wahi password dobara enter karna hai. Uske baad ‘’Update’’ ke option par tap kar de. Jaisa ki niche image me dikhaya gaya hai. Friends naya password banate waqt ak chij hamesha dhyan rakhe ki usme number (1,2,3..) aur alphabet (a,b,c..) dono mix ho.

‘’Update’’ ke option par tap karte hi aapka naya password update ho jayega aur kuchh second baad wahaa aapka Paytm account bhi khul jayega jisme aap apna balance bhi dekh sakte hai. Niche aap iski screenshot image dekh sakte hai.

📌 Apne girlfriend ya boyfriend ke call ki recording apne mobile me sune.

Ab aap yahaa se log out kar le ya phir browser ko close kar de. Ab aapko apne Paytm app par jaakar apne registered mobile number aur abhi-abhi banaye gaye naye Paytm password se login karna hai, aap aasani se login ho jayenge, aur haan naye password ko achchhe se yaad kar le ya phir likh kar usko surakshit tarike se rakhe.

Dosto, ummid karta hu aapko ye post pasand aayi hogi. To comment karna na bhule dosto. Friends, aap is post ko share jarur kare taaki dusre log bhi is jaankari se laabh utha sake. Share karne ke liye niche diye gaye icons pe click kare.

Share this post