Kharab ya currupt memory card, chip ko kaise thik kare sirf 2 minute me

Hello dosto, webhackertips.com me aapka swagat hai. Friends sabse pahle to mai apne un dosto ko thanks kahna chahunga jinhone mere facebook page ko like kiya jisse mai aapke liye aur bhi naye-naye tips aur tricks se related post likhne ke liye prerit huaa. Jin dosto ne mera facebook page like nahi kiya hai unse mai kahna chahunga ki wo mera facebook page jarur like kar le, taaki mai jab bhi koi nayi post likhu to aapko turant uska update mil jaaye aur aap teji se badalti technology aur internet ki duniya se wakif rahe.
Kyunki mera is website ko banane ka uddeshya hi yahi hai ki aap sirf ak internet user na bane, balki aap bane ak smart internet user aur smart logo ki nishani hoti hai ki jab unke samne koi problem aati hai to wo uska solution nikalte hai. Aaj mai jis problem ki baat kar raha hu wo bahut hi common hai aur lagbhag sabke saath hoti hai. Dosto hume kabhi apne computer ya laptop se koi file apne sd card me leni hoti hai aur uske liye hum apni sd card ko card reader ki madad se computer me connect karte hai par computer me insert card ka text show hota hai jabki humne apna sd card lagaya huaa hota hai. Us situation me na to hum us sd card me kuchh save kar sakte hai aur na hi use format kar sakte hai. Hum use nikaal kar dobara connect karte hai aur kai baar kosis karne ke bawjud bhi result wahi aata hai aur tab hume lagta hai ki hamara sd card hi reject ya kharab ho gaya hai aur hum use phek dete hai. Lekin dosto aaj ke baad aap aisa nahi karenge kyunki ab aapke paas is problem ka solution hoga. Aaj ki is post me mai aapko batane ja raha hu ki kaise aap sirf 2 minute me kharab sd card ko thik kar sakte hai.

✹ Facebook ke video bina kisi software ke kaise download kare.
✹ Bina paise lagaye PTC sites se jyada paise kaise kamaye.

Friends, apne memory card ko thik karne ke liye aapko apne computer me kuchh command chalane honge jo ki bahut easy hai. Mai aapko step - by - step process image ke saath bata raha hu aap inhe dhyan se padhna.
Iske liye sabse pahle aapko apne computer ya laptop ke start button par click karke search box me type karna hai ''cmd'' . cmd type karte hi aapke samne ''command prompt'' ka option aayega, uspar aapko click kar dena hai. jaise hi aap click karenge command box khul jayega.

Step -1. Ab aapko command box me type karna hai - diskpart. Jaisa ki niche image me dikhaya gaya hai.

Step -2. Diskpart likhne ke baad aapko enter button dabana hai. Jaise hi aap enter press karenge aapke samne niche image ki tarah phir se diskpart text flash hoga. Uske aage aapko type karna hai - list disk. Niche image dekhe.

 Step -3. Aapke computer me is waqt memory card sahit kitne disk attacht hai ye dekhne ke liye list disk type kiya jata hai. List disk type karne ke baad enter press kar de. Ab aapke samne niche image ki tarah text flash hoga jisme aapki memory card sahit computer ki sabhi disk show hogi. Jaise niche image me meri memory card 14 GB ki hai to wahan disk 1 14gb show ho raha hai,

Step -4. 14 gb ki jagah par aapka memory card jitne gb ka hoga wo wahaa pe show karega. Ab chunki aapko apne memory card ko repair karna hai isliye aapko yahaa apna memory card select karna hai jaise mera memory card 14 gb ka tha aur wo disk 1 me show ho raha tha isliye agle step me maine diskpart ke aage select disk 1 likha. Aapko bhi aisa hi likhna hai. Niche image dekhe.

Step -5. Jaise hi aap aap apne memory card ka disk select karke enter dabayenge, aapke samne text aayega - ''Disk 1 now is selected disk''. Agle step me aapko diskpart ke aage ''clean'' likhna hai. Jaise hi aap clean likhkar enter dabayenge niche ye text show hoga - ''Diskpart succeeded in cleaning the disk''. Agar ye text show nahi hota hai to dobara clean type karke enter press kare aur tab tak kare jab tak succeeded na bata de. Ise samajhne ke liye niche image dekhe.

Step - 6. Jab ''succeeded in cleaning the disc'' text aa jaaye tab agle step me phir Diskpart ke baad ''creat partition primary'' type karke enter press kar de. Enter press karne par ''Diskpart succeeded in creating specified partition'' ka text aayega. Agle step me ab aapko phir se diskpart ke aage ''active'' likhkar enter press karna hai. Enter press karte hi ''diskpart marked the current partition as active ka text aayega. Niche image ko dekhkar samjhe.

Step - 7. Ab agle step me aapko jo command type karna hai wo hai - ''select partition 1''. Ise diskpart ke aage type karke enter press kar de. Is ke baad ''partition 1 is now the selected partition'' ka text aayega. Ab aage badhte huwe phir se diskpart ke baad ''format fs=fat32'' likhkar enter press kar de. Yahaa fs ka matlab file system hai aur fat 32 ak format system, yaani aap yahaa apne memory card ko format karne ja rahe hai. Jaise hi aap enter press karenge memory card format hona shuru ho jayega. Niche image ko dekhkar samjhe.

Step - 8. To dosto, ab aate hai last step pe. memory card ki formating 0 se shuru hogi aur aapko thoda intezar karna padega jab tak ki ye 100% na ho jaaye. Formating process 100 hone par ''diskpart successfully format the volume'' ka text show hoga yaani ki ab aapka memory card format ho chuka hai. Ab aapko jo last command diskpart ke aage type karni hai wo hai ''exit''. Exit type karke enter press kar de aur command box ko close kar de kyunki aapka kaam ho gaya hai. Niche screenshot dekhe.

 Ab aap my computer me jaakar check kar sakte hai wahaa aapka memory card show hoga aur ab aap usme kuchh bhi copy- paste kar sakte hai. To dosto mai ummid karta hu ki ab agli baar jab bhi aapke saath aisi problem aayegi to aap apne memory card ko phekoge nahi balki is method se use khud thik karoge. Friends, aapko ye post kaisi lagi comment box me jarur bataye. Ise dusre logo ko batane ke liye share jarur kare. Thank you.

✹ Dekhiye live real time hacking.
✹ Internet ki duniya ke kuchh anokhe aur rahasyamayi websites - Jarur dekhe.

Share this post