Ransomware virus attack kya hai aur isse kaise bacha ja sakta hai?

Hello Friends, welcome to webhackertips.com. Dosto, pichhle dino 12 may,2017 ko ak virus ne internet ki duniya me tahalka macha diya tha.Is virus ka naam tha Wanna Cry ''Ransomware'' virus, jise ak hackers ke group ne failaya tha.Is group ne puri duniya ke lagbhag 150 deso ke computers me is virus ka attack kiya aur jin computers par ye attack huaa un computers ne kaam karna band kar diya. Is virus ka khauf itna jyada tha ki kuchh logo ne to kuchh din ke liye internet chalana bhi band kar diya tha.
Friends is virus ka khatra un computers ko jyada hai jo abhi bhi purane operating system par chal rahe hai- jaise windows Xp. Microsoft ne bahut pahle hi kaha tha ki wo windows Xp se apni security hata rahe hai kyunki wo tab tak windows 7-8 aur windows 10 jaise latest operating system launch kar chuke the. Par iske baawjood jyadatar log windows Xp hi use kar rahe the kyunki ye bahut hi famous OS tha aur ispar kaam karna bhi bahut saral tha.Par aaj ke latest operating system waale computers bhi is virus se puri tarah safe nahi hai. Iske kuchh kaaran hai. Is virus ko lekar logo me ak dar, kuchh galatfahmi aur kuchh sawal bhi hai. Aaj ki meri ye post specially isi virus ke uper hai jisme mai aapko bataunga ki aakhir ye virus hai kya, is virus se hume kitna aur kis tarah ka khatra hai aur is virus se hum kaise bach sakte hai.

Ransomware virus kya hai?

Ransomware virus ak malicious software hai jo kisi ke bhi computer me internet ke madhyam se ghus jata hai. Ye bina aapki jaankari ke aapke computer me kuchh aise programme download kar deta hai jisse aapke system ka sara data lock ho jata hai, jaise aapke photos, videos, koi application software, document etc.Uske baad ye aapko ak message deta hai ki agar aap apne data ko wapas pana chahte hai to aapko itne paise pay karne padenge, warna aapke saare data mita diye jayenge.Ye virus itna powerfull hai ki jabtak aap hacker ko paise de nahi dete tab tak aap kisi bhi tarah se apna data hasil nahi kar sakte. Aap kisi bhi software se apna system unlock nahi kar sakte kyunki aapke computer ka pura control hackers ke haath me hota hai.Hackers aapse paise dollar me nahi mangte balki wo Bitcoin ki demand karte hai. Jee haan Bitcoin, jo ak vertual currency hai aur 1 Bitcoin ki kimat abhi 30 may 2017 ko 1,49497 Rs. hai.Bitcoin ke baare me jyada jaane ke liye aap meri post ''Bitcoin kya hai aur Bitcoin kaise earn kiya jata hai'' padh sakte hai.

Ransomware virus ke attack se kaise bache?

Avi tak aisa koi mamla samne nahi aaya hai ki is virus ne kisi ke personal computer ya smartphone ko nishana banaya ho, kyunki jaruri nahi ki kisi ne apne computer me koi jaruri data rakha ho. Isliye is virus ko banane wale hackers ke group ne badi-badi companiyo, hospitals, hotels aur bank ke computers ko nishana banaya hai kyunki usme inke customers ka sara data save rahta hai. Ab chunki ye virus computer ko jam kar deta hai isliye unhe unlock karne ke liye inhe un hackers ko paise dene hi padte hai.Dosto, mai yahan is virus se bachne ke kuchh tarike bata raha hu jo aapko hamesha dhyan me rakhna hai kyuni iski koi garanti nahi hai ki kab aapke computer ya smartphone me Ramsomware attack ho jaaye. Agar aapke paas smartphone hai to uski safety ke liye aap meri ye post ''Apne android mobile ke liye ye 6 chije jarur kare'' jarur padhe. To aaiye ab jante hai ki is virus se bachne ka upaay kya hai.

1. Sabse pahli baat ki aapke computer ya smartphone me jo bhi important data hai uska backup jarur lete rahe. In data ko aap cloud storage ya pandrive me save karke rakh sakte hai.

2. Apne computer me antivirus hamesha update rakhe, kyunki ye un sites ko block kar deti hai jo aapke computer ko nuksaan pahuncha sakti hai.

3. Jyadatar Ransomware virus aapko email ke duaara .exe, .vbs,ya .scr file formate ke roop me bheja jata hai.Jaisi hi aap us file ko open karenge aapka computer us virus se affect ho jata hai. Isliye aise kisi bhi gair jaruri email jo banking, business email ya kisi lubhawane offer ke roop me ho, open na kare. Hackers email ke duaara kaise hacking karte hai, iske baare me vistaar se jaanne ke liye meri ye post ''Email hack karne ka hackers ka naya tarika'' jarur padhe.

4. Apne computer me antivirus hamesha update rakhe, kyunki ye un sites ko block kar deti hai jo aapke computer ko nuksaan pahuncha sakti hai.

5. Aur sabse jaruri baat, agar aapko lage ki aapke computer ke saath kuchh ajib sa ho raha hai jo aapko samajh nahi aa raha ya kuchh error message aa rahe ho to turant apna internet disconnect kar de aur apne computer ko band kar de.
Friends, aaj ke liye itna hi. Aage mai aapke liye isi tarah ke upyogi post likhta rahunga. Agar aapko meri ye post achchhi lagi ho to ise share jarur kare taaki aapki tarah dusre log bhi is tarah ke virus ke prati jagruk ho. Thank you.