Paypal kya hai aur paypal account banane ki puri jaankari hindi me.Paypal क्या है और paypal में अकाउंट कैसे बनाते है ?

Hello friends, welcome to webhackertips.com. Dosto, aap sabhi ka bank account to jarur hoga jise aapne bank jakar aur kai saare document verify karwake khulwaya hoga. Par kya aap ak aise international account ke baare me jante hai jise aap ghar baithe apne laptop ya computer se bana sakte hai. Jee haan, ise Paypal kahte hai. Duniya ka har bank Paypal se linked hota hai. Apne paypal account se hum duniya ke kisi bhi kone se paise apne bank account me transfer kar sakte hai. Online work karne waalo ka ak paypal account jarur hota hai. Jitni bhi internet based companiyaa ya websites hai jo online work, survey, ptc, typing job etc. service chalati hai, wo apne clients ko paypal ke jariye hi payment karti hai. Paypal se na sirf hum payment le sakte hai bulki apne bank account se apne paypal account me paise transfer bhi kar sakte hai aur apne paypal account ke duwara online kisi ko payment bhi kar sakte hai. Paypal account secure to hai hi ye aapki privacy ka bhi khayal rakhta hai, isliye jyadatar internet companiyaa aapko payment karne ke liye paypal account ki maang karti hai, isse unki privacy bani rahti hai.

Yun to paypal ke jaise aur bhi online platform hai par sabse jyada paypal hi popular hai. To aaiye jante hai ki online payment accept karne ke liye paypal account kaise banaya jata hai? Apne paypal account ko approved kaise kare aur aapke paypal account ki id kya hogi?

 

Apna paypal account kaise banaye? 

Apna paypal account banana ke liye is link Paypal.com pe click kare. Is link par click karte hi ak dusre tab me paypal website ka page khul jayega. Page ke right side me upper sign up par click kare. Sign up par click karte hi aapke samne niche diye gaye image ki tarah ak page khulega jisme 2 option honge ki aap kis tarah ka paypal account banana chahte hai- individual ya business account. Agar aapko apna vyaktigat khata banana hai jisse aap apna payment accept kar sake to niche diye gaye image ki tarah individual par click karke continue par click kar de.

Ab aapke samne ak aur page khulega jaisa ki niche image me diya gaya hai. Isme aap apne country ka name select karke apna email id de aur apne paypal account ke liye ak password create kare. Uske baad continue par click kar de. Iske baad aapke email id par ak verification mail aayega jise open karne par aapka paypal account approved ho jayega.

Ab aapko apni email id aur password se apne paypal account me login karna hai.

Apne bank account ko paypal se link kaise kare?

 

Itna karne ke baad ab baari aati hai apne bank account ko apne paypal account se link karne ki, lekin isse pahle aapko apna mobile number verify karne ke liye bhi kaha ja sakta hai aur ye bahut aasan hai. Aapko bus apne paypal account me apna mobile number add karna hai. Aapke number par sms ya call ke duwara aapko ak security code bheja jayega jise aapko enter karke verify karna hai. Ye bahut common si process hai aur aap sabhi ye jante hi honge. Apne bank account ko link karne ke liye paypal me option diya huaa rahta hai. Wahaa jo bhi bank detail mange, bhar de. Ab baari aati hai aapke bank account ko approved karne ki.

Jab aap paypal account me apna bank account link karte hai to paypal aapke bank account ko verify karne ke liye aapke bank account me 2 chhote- chhote amount deposite karta hai. Paypal aisa isliye karta hai taaki wo sure ho jaaye ki aapne jo bank account link kiya hai, wo aapka hi hai aur chalu hai. Jab paypal aapke bank account me 2 chhote amount deposite kar dega to wo iski suchna aapko email karke de dega ya fir jab aap apne paypal account me login karenge tab iski notification aapko mil jayegi aur aapko ak option milega jisme aapko wo amount enter karne ke liye kaha jayega jo paypal ne aapke bank account me deposite kiya hoga. To aapko ab karna ye hoga ki aap apne bank jakar apna passbook update kara le, taaki aapko pata chale ki paypal ne kitna amount aapke khaate me jama kiya hai. Ye amount bahut chhota hota hai, jaise 1.28 paise aur 1. 82 paise. Ab aapko apne paypal account me apne bank account approval ke option me jakar same yahi amount entar karna hai aur bus aapka bank account bhi approve ho gaya.

Aapki paypal id kya hogi? 

Ab sawal aata hai ki jis tarah har bank account ka ak account number hota hai to aapke paypal account ka account number ya paypal id kya hogi? To dosto, mai aapko bata du ki aap apne jis email id se apna paypal account banayenge, apna paypal account login karenge, wahi email id aapki paypal id hogi, aapka paypal account number hoga. Yaani ki agar aap kisi site pe kaam kar rahe hai aur wo payment ke liye aapse aapki paypal id mangati hai to aapko apna wo email id dena hai jisse aapne apna paypal account banaya hai.

Dosto, maine apna paypal account 5 saal pahle banaya tha aur us waqt maine uski step by step screenshot nahi li thi isliye mai uski image yahaa nahi de raha hu. Par phir bhi mujhe nahi lagta ki paypal account create karte waqt aapko koi problem hogi. Phir bhi agar aapko koi muskil ho rahi hogi to aap niche comment box me mujhse behichak puchh sakte hai.

 Friends, is post ko share jarur kare taaki aapke dusre dosto ko bhi iske baare me jaankari mile.