Video dekhte waqt kaise bachaye apna internet data ?(विडियो देखते वक़्त कैसे बचाये अपना इन्टरनेट डाटा)

Dosto , pahle internet istemal karnewale bahut kam the, par jab se smartphone aaya hai tab se internet users ki sankhya bhi badh gayi hai. Aaj lagbhag har smartphone user apne phone me internet connection jarur rakhte hai aur apne is internet data ko facebook, whatsapp chat, net surfing aur video dekhne me kharch karte hai. 2G ka jamana to jane hi wala hai kyunki aaj sabhi apne smartphone me 3G ya 4G ka istemal karte hai. 3G AUR 4G se hume jahan achhi internet speed milti hai wahin inse data ki khapat bhi kaafi teji se hoti hai. Uspar se agar hum video dekhte hai to hamara mobile data khatm hone me jyada samay nahi lagta aur is wajah se aap chahkar bhi apne mobile me online video nahi dekhte honge. Yahaan mai aapko yahi batane ja raha hu ki aap video dekhte huwe bhi apna kimti mobile data kaise bacha sakte hai.

✹ E-mail ke jariye badi files aur videos ko aasani se kaise bheje.

Dosto, sabse pahle mai aapko ye batane jar aha hu ki aap net surfing me kharch hone wale data ki khapat ko bhi kam kar sakte hai. Iske liye aapko bus apne phone ke browser me maujud data saving mod ko on karna hoga. Agar aapke phone me crome browser app hai to uski setting me jakar saving data ke option par click kare. Ispar click karne par ak naya baar khulega, jisme uper right side ki taraf diye gaye button par tap karne par data saver mod on ho jayega.

Video dekhte huwe data bachane ke liye aap google play store par maujud apps ki madad le sakte hai. nexGTv ak aisa hi app hai jiski madad se aap kam data khapat me apne mobile par tv channel dekh sakte hai. Is app ki setting me jakar aapko bus iska data saving mode on karna hoga. Aapki jankari ke liye bata du ki is app ko google play store se 10 lakh se jyada user apne phone me install kar chuke hai aur unhone ise 3.9 ki rating di hai. Ye app android 2.3 aur isse upper ke version par kaam karta hai.

📴 Mobile phone paani me girne par kya kare aur kya na kare- Jarur padhe.

Youtube dekhte huwe bachaye data:- Video dekhne ke liye jyadatar users ki pasandida site youtube hai, kyunki ispar hum 2G ki speed me bhi video dekh sakte hai. Internet data bachane ke liye youtube ki setting me hi iski video quality ko chunne ka option diya huaa rahta hai. Aapko bata du ki hd video jyada data kharch karte hai jabki normal video kam data khapat me hi chalne lagte hai aur low quality ke video to isse bhi kam data kharch karte hai. Youtube par manchaha video quality chunne ke liye video screen me niche right side ki taraf diye gaye setting gear par click kare. Yahaan aapko general ka option milega. Ispar click karne par limit mobile data usage ka option aayega, ise on kar de. Is tarah aap normal quality me video dekhte huwe apna data bacha sakte hai. Aapke phone me hd video tabhi play honge jab aap ise wi-fi se chalayenge. HD quality me dekhne ke liye aapko fir se iski setting me jakar change karna hoga.