Gmail ke in smart features ko jarur janiye.(जीमेल के इन स्मार्ट फीचर्स को जरूर जानिए)

Dosto, jis tarah aadhar aur  voter card ko hum apne pahchan patra ke taur par istemal karte hai, usi tarah digital world me e-mail id hamare pahchan patra ki tarah kaam karti hai. Ye ak unick id hoti hai jiski jarurat hume har jagah padti hai, chahe wo facebook account verification ho, bank account verification ho ya kisi job ke liye apply karna ho. Ye har professional ki jarurat hai.Internet chalane waale jyadatar logo ke paas apni email id hoti hai aur jyadatar log apni id gmail se hi banate hai. Par gmail me hi kuchh aise khas features hai jinke baare me adhiktar logo ko pata nahi hota hai. Is post me mai gmail ke unhi khas features ke baare me batane ja raha hu.

✹ Video dekhte waqt kaise bachaye apna internet data.

✹ Kisi bhi wi-fi ka secret password kaise pata kare.

 

www.webhackertips.com

Apne phone ke contact numbers ka gmail par backup lena:- Aaj sabke haath me smartphone hai par gmail ke is khas feature ka istemal bahut kam hi log karte hai. Aap apne phone me maujud contact numbers ko apne gmail me save karke rakh sakte hai. Android phone ke contacts me left side ki taraf upper ki or gmail ke saath dikhne wale airo ke nisaan par click karna hoga. Iske baad aapke samne contact ka option aayega, jis par click karte hi aapke phone me save sabhi contact aapke gmail account ke screen par khul jayenge. Par haan isse pahle apne phone ki setting me jakar backup option ko select karke on kar de aur phone ke internet ko hamesha on rakhe. Isse hoga ye ki jab bhi aap koi naya number apne phone me save karenge wo gmail me bhi automatic save ho jayega.

Picture chat:- Dosto, gmail ke is feature ke baare me bhi bahut kam log jaante hai. Is feature ka istemal karne se chat karne wale ko aapke message ke saath aapka profile picture bhi dikhai dega.Is feature ka istemal karne ke liye aapko apne gmail account ki setting me jakar ‘’lab’’ ke option par click kare. Ab niche scroll karne par ‘picture in chat’ option dikhai dega, ise enable karke save change kar de. Bus ho gaya.

✹ Aap bhi kama sakte hai 15000/- mahina bina koi paise lagaye.

Chat baar ki side badalna:- Friends waise to gmail par hone wali chat left ki taraf dikhai deti hai par aap chahe to ise right side me bhi set kar sakte hai. Iske liye setting me jakar lab ke option par click kare. Ab niche ki taraf scroll karke ‘right side chat’ option ko enable kar de.

Gmail ke notification apne desktop par paayen:- Aap internet par kisi dusri site me kaam kar rahe ho to bhi aap apni gmail id par aane wale mail ki notification apne desktop par paa sakte hai. Iske liye gmail ki setting ki setting me jakar general tab ko select kare. Phir niche ki taraf scrol karne ke baad new mail notification on ke samne gole par click karke save change kar de.

✹ Agar aapke paas android mobile hai to ye 6 chije aapko jarur jaanni chahiye.

Apne gmail ke background me photo set kare:- Sirf itna hi nahi dosto,jis tarah aap apne computer ke screen par koi photo set karte hai usi tarah aap apne gmail account ke background me bhi photo set kar sakte hai jisse aapka gmail background kaafi attractive ho jayega aur aapke dost bhi ise dekhkar hairan ho jayenge. Apne gmail ke background me photo set karne ke liye apna gmail id khole aur screen me apni right me diye gaye setting gear me click kare. Yahaan diye gaye option themes par click kare. Yahaan aapko kai saari images milengi jinme se aap apni manpasand ka koi bhi photo select kar sakte hai. Aap chahe to apne computer se bhi photo select karke isme add kar sakte hai. Iske liye niche right side me diye gaye my photos par click karke apne computer se koi bhi photo select kar le. Iske baad niche left side me diye gaye save par click kar de. 

Gmail ke in features ko apne dosto ke saath share kare