Apne smartphone ko hacker aur virus se surakshit kaise rakhe?(अपने स्मार्टफोन को हैकर और वायरस से सुरक्षित कैसे रखे ?)

Friends, aaj har haath me smartphone hai. Apni hatheli ke barabar ke is mobile ko hum smartphone isliye kehte hai kyunki aaj hum sirf ak phone se hi na sirf duniya ke kisi bhi kone me, kisi bhi aadmi se baat kar sakte hai balki unhe video calling bhi kar sakte hai. Is smartphone se hum photo khichne ke saath-saath video recording bhi kar sakte hai. Na sirf message bhej sakte hai balki real time chat bhi kar sakte hai, gaane aur videos download kar sakte hai aur is smartphone ne duniya me jo sabse bada krantikari parivartan laya hai, wo ye hai ki aaj hum ghar baithe hi kharidari kar rahe hai aur apne bank account se len-den bhi kar rahe hai. Jaahir si baat hai ki jab ak phone se hum itne saare kaam karte hai to uski sefty bhi jaruri hai. Jis tarah hum apne ghar ki security ke liye tarah-tarah ke jatan karte hai usi tarah hume apne smartphone ko bhi virus aur hackers se surakshit rakhne ki jarurat hai. Yahaan mai aapko kuchh aise apps ke baare me bata raha hu jo aapke phone ko clear rakh kar hang hone se bachate hai. Aapke phone me maujud virus ko khatm karne ke saath hi internet ya sd card se aane waale virus ko rokte hai, aur to aur hackers duwara bheje gaye message ya email ke farzi link se aapko savdhan karne ke saath hi agar koi dusra vyakti aapke phone se chhedchhad karta hai to uski selfi bhi le leta hai. Dosto, apne smartphone ki safety ke liye jarur padhiye in apps ke baare me.

✹ Ak hi facebook account ko ak se jyada email id se kaise chalaye. 

✹ Apne mobile se lijiye kisi ki bhi x-ray.

Friends, smartphone ki safety ke liye security apps ki is kadi me mai sabse pahle Avast Mobile Security App ke baare me batane ja raha hu.  Friends is app ko to aap jante hi honge kyunki iska computer version kaafi famous hai. Ye android app aapke phone ke virus aur malware koremove kar deta hai. Yahi nahi, isme app permission management tool, app locking aur call blocker jaise features bhi hai. Ye app google play store me free me available hai. Ise duniyabhar me 50 crore se jyada log apne phone me install kar chuke hai. Yah 99% android malware ko detect kar leta hai.

Dusri best security app hai CMSecurity antivirus app. Ye app 2 parts me hai. Ak antivirus protection ke liye aur dusra app-lock ke liye. Antivirus protection me yah naye apps ko scan karne ke saath-saath websites aur phone me maujud files ko bhi scan karta hai. Dusre apps kit ulna me ye app kaafi fast scan karta hai. Iska app-lock system aapke phone me lock kiye huwe app me galat password daalkar kholne ki koshish karne wale ki selfi bhi le leta hai. Is app ko bhi 50 crore se jyada log install kar chuke hai. Yah google play store me free me available hai. Ye app android 5.0 ya isse upper ke version ke liye hai.

✹ 30 second me rokiye send kiya huaa email.

✹Baniye computer ka master in shortcut se.

Third security app hai Caspersky internet security app. Google play store me ye paid aur free dono version me available hai. Waise to isme kai features hai par iska sabse best features hai anti-fishing. Web browser istemal karne par yah real time fishing protection deta hai. Saath hi yah text message, whatsapp aur e-mails ki suspecius link ko bhi scan karta hai. Iska paid version lambe samay tak chalta hai jabki free version limited acces ke saath kaam karta hai.

Security aap ki is kadi me fourth app hai No Root Firewall security app. Ye app data protect karne ke saath-saath virus attack se bhi bachata hai. Jaise hi aapke phone me maujud koi app internet ka istemal karta hai to ye app turant aapko iski notification bhejta hai. Is app ki size 1 mb tak hai aur ye bhi google play store par free me available hai. Ise ab tak 40 crore se jyada log install kar chuke hai.

Fifth security app hai 360 Security app. Ye app phone me aane wale virus ko pehchan kar use khatm kar deta hai. Iske real time scan se aapka phone virus, spyware aur malware se puri tarah surakshit rahega. Yah aapke phone ke background apps ko bhi clean karta hai, taaki aapke smartphone ki speed badh sake. Is app ki size bhi jyada nahi hai aur ye bhi play store me free me available hai.

Agar aapko ye post achhi lagi to ise apne friends ke saath share kare.